As Triegas é unha fermosa casa rural, antiga corte, que foi hábilmente restaurada para ofrecer as comodidades propias da vida cotiá no século XXI, sen menoscabo do ambiente rural ó que está ligada e ó que pertence.

Está perfectamente integrada nos seus arredores, e non chama a atención sobre as edificacións que a rodean a non ser polo seu porte e polo seu coidado estado.

Respectáronse a súa estrutura e o seu aspecto exterior, reconstruíndose o interior para distribuír as estancias de acordo coas novas necesidades.

Nela conviven a pedra e a madeira como elementos esenciais.

Casa As Triegas, Paderne do Caurel.

 

HABITACIÓNS

A casa rural As Triegas ten seis habitacións dobres coidadas con moito esmero que se poden alugar por separado. Todas elas contan con baño privado e calefacción, o que fai destas estancias un espazo cómodo e acolledor. Unha das seis habitacións está adaptada a persoas con mobilidade reducida.

Algunhas contan mesmo cunha ampla balconada de madeira (en Courel chamados corredores) con vistas á serra.

* Admítense mascotas

 

SALÓN

A casa rural As Triegas conta cun amplo salón común de 47 m2 con cheminea e televisión. Un acolledor espazo onde poder descansar, ler, conversar ou gozar cos xogos de mesa que poñemos a túa disposición.

 

PREZOS

  • 44 € habitación dobre
  • 15,40 € xantar ou cea
  • 4,4 € almorzo

(IVE incluido en todos os casos)

 

GALERÍA DE IMAXES